Sentyabrın 2-dən Argentina hakimiyyəti yanvar ayında hökumətin qaldırdığı idxal vergisini 10% azaldacaq. 

İqtisadiyyat.az xəbər verir ki, bu barədə Argentinanın iqtisadiyyat naziri Luis Kaputo məlumat verib.

"Sentyabrın 2-si bazar ertəsindən etibarən mal və yüklərin idxalı üzrə milli vergi dərəcəsi 17,5%-dən 7,5%-ə endiriləcək. Söz vermişdik və etdik!" - İqtisadiyyat Nazirliyinin rəhbəri "X"də yazıb.

Söhbət Argentinanın dövlət büdcəsinin gəlirlərini artırmaq və həmçinin vergi kəsirini azaltmaq məqsədilə yanvar ayında qaldırılan PAIS vergisindən gedir. Lakin bu addım son nəticədə xaricdən gətirilən malların bahalaşmasına səbəb olduğu üçün indi hökumət əksinə addım atıb.