İspaniyada "Barselona"da oynadığı müddətdə Arda Turan 2015 və 2016-cı illərdə vergidən yayınmaqda ittiham olunub. Sözügedən iş üzrə özünü təqsirli bilən Arda Turanın hökmü açıqlanıb.

İqtisadiyyat.az xəbər verir ki, şəxsi gəlir vergisini ödəmədiyini etiraf edən Arda Turan 1 il həbs və 633 min avro pul cəzasına məhkum edilib. Arda Turanın cəzası 2 ildən az olduğu üçün həbs cəzası çəkməli olmayacaq. "Eyüpspor" baş məşqçisi yalnız 633 min avro cərimə ödəyəcək.

Şərti həbs cəzasının qüvvədə olması üçün Arda Turanın başqa bir cinayətdə təqsirli bilinməsi lazımdır.

İspaniyada daha əvvəl bir çox futbolçu və məşqçi vergidən yayınmaqda təqsirli bilinib. Kriştiano Ronaldo, Lionel Messi və Joze Mourinyo kimi adlar təqsirli bilindikdən sonra külli miqdarda cərimə qarşılığında şərti olaraq azadlığa buraxılıb