“Xanbulaq” MMC-yə “Araz Vadisi İqtisadi Zonası” Sənaye Parkının rezidenti statusu verilib.
İqtisadiyyat.az İqtisadi Zonaların İnkişafı Agentliyinə istinadən xəbər verir ki, bununla da Sənaye Parkının rezidentlərinin sayı 12-yə çatıb.
Şirkət tərəfindən Sənaye Parkının 2,5 hektar ərazisində 40 otaqlı və 100 nəfərlik restoran işinin təşkili nəzərdə tutulur.
İnvestisiya dəyəri 7 milyon manat olan layihə çərçivəsində 60 nəfərin işlə təmin edilməsi planlaşdırılır.
