Azərbaycan Qida Təhlükəsizliyi Agentliyinin (AQTA) Dağlıq Şirvan regional bölməsi üçün inşa olunacaq inzibati binanın layihəsi hazırlanıb.

Bu barədə İqtisadiyyat.az Agentlikdən məlumat əldə edib.

İnzibati binanın layihə smeta sənədlərini "Creat Company" şirkəti 22.420 manata hazırlayıb.

Qeyd edək ki, Şamaxı şəhərində yerləşəcək iki mərtəbəli inzibati bina 750 kvadrat metri əhatə edəcək.

Dağlıq Şirvan regional bölməsi Şamaxı, Ağsu, İsmayıllı və Qobustan rayonlarını əhatə edir.