Azərbaycan Qida Təhlükəsizliyi Agentliyinin (AQTA) Dağlıq Şirvan regional bölməsi üçün inzibati bina tikiləcək.
Bu barədə İqtisadiyyat.az Agentlikdən məlumat əldə edib.
Artıq inzibati binanın layihə smeta sənədlərinin hazırlanmasına başlanılıb.
Şamaxı şəhərində yerləşəcək iki mərtəbəli inzibati bina 750 kvadrat metri əhatə edəcək.
Binanın həyətində bir ədəd söhbətgah da inşa olunacaq.
Qeyd edək ki, Dağlıq Şirvan regional bölməsi Şamaxı, Ağsu, İsmayıllı və Qobustan rayonlarını əhatə edir.
Xatırladaq ki, AQTA sədri Qoşqar Təhməzli bir neçə gün əvvəl yuxarıda qeyd olunan rayonların sakinlərini qəbul edib. Vətəndaş qəbulu Şamaxı Rayon İcra Hakimiyyətinin inzibati binasında keçirilib.
