Azərbaycan Qida Təhlükəsizliyi Agentliyi (AQTA) "Şahdağ Group" şirkətində nöqsanlar aşkarlayıb.

İqtisadiyyat.az xəbər verir ki, Agentliyin keçirdiyi yoxlamalar zamanı şirkət tərəfindən istehlakçıların hüquqlarının pozulduğu məlum olub.

Buna görə AQTA şirkət barəsində İnzibati Xətalar Məcəlləsinin 447.0.4-cü maddəsinə əsasən cərimə protokolu tərtib edib.

Daha sonra protokol baxılması üçün Yasamal Rayon Məhkəməsinə göndərilib. İş hakim Rəşad Cavadzadənin sədrliyi ilə araşdırılacaq.

"Şahdağ Group"un barəsində protokol tərtib olunan maddədə deyilir ki, qanunvericiliyə əsasən məcburi sertifikatlaşdırılmalı olan, lakin sertifikatlaşdırılmamış malların istehsalına, satılmasına, işlərin yerinə yetirilməsinə, xidmətlərin göstərilməsinə hüquqi şəxslər dörd min manatdan altı min manatadək məbləğdə cərimə edilir.