İqtisadiyyat.az xəbər verir ki, bu barədə "Bloomberg" məlumat yayıb.
Məlumata görə, "Apple" növbəti həftə ərzində media üçün xüsusi təqdimatlar keçirərək cihazın yeni funksiyaları barədə məlumat verəcək.
"AirPods Pro"dan fərqli olaraq "Powerbeats Pro" daha çox idman və aktiv istirahət üçün nəzərdə tutulub. Onlar tənzimlənə bilən qulaq arxası asma ilə təchiz edilib və sabit şəkildə qulaqda qalmağı təmin edir.
Ötən il "Apple"nin yayımladığı və beysbolçu Şohei Otaninin iştirak etdiyi reklam videosu "Powerbeats Pro 2"nin əvvəlki modeldən daha incə və dikey dizayna malik olduğunu nümayiş etdirir.
Qeyd edək ki, əvvəlki model artıq istehsaldan çıxarılıb.
Yeni "Powerbeats Pro 2" qulaqlıqları məşq zamanı ürək döyüntüsünü izləmək funksiyası ilə təchiz olunacaq. Bu məlumatlar "iPhone"un "Sağlamlıq" tətbiqinə və digər uyğun tətbiqlərə ötürüləcək. "iOS 18" kodunun analizi, qulaqlıqların məşq cihazları ilə ürək döyüntüsünün ölçülməsi üçün uyğunluq təmin edəcəyini göstərir. Həmçinin yeni model aktiv səsboğucu, məkan səsi və adaptiv audio kimi funksiyalara malik olacaq.
"Powerbeats Pro 2" qulaqlıqları müxtəlif rənglərdə təqdim ediləcək: qara, açıq-bej, narıncı və bənövşəyi. Qulaqlıqların enerji yığma qutusu "USB-C" portu ilə təchiz ediləcək.