İqtisadiyyat.az xəbər verir ki, ABŞ-nin Kaliforniya ştatında tətbiq olunan qanunlara əsasən, bu cür məhsulların təhlükəli olduğu barədə istehlakçıları xəbərdar etmək məcburidir.
Bisfenol A plastik məmulatların istehsalında geniş istifadə olunur və bir çox tədqiqatlarda bu maddənin insan sağlamlığı üçün təhlükəli olduğu vurğulanıb. 2018-ci ildə aparılan bir araşdırmada bu maddənin dəri vasitəsilə qana keçə biləcəyi və xərçəng, şəkərli diabet və reproduktiv sağlamlıq problemləri yarada biləcəyi qeyd edilib. Ən həssas risk qrupları arasında hamilə qadınlar, uşaqlar və gənc qızlar göstərilib.
"Apple" tərəfindən satılan "Belkin" şirkətinə məxsus "BoostCharge Pro Magnetic" cihazı, təhlükəli maddə ehtiva etməsinə baxmayaraq, mağazadan çıxarılmayıb. Şirkət yalnız Kaliforniya qanunvericiliyinə əsasən müvafiq xəbərdarlığı yayıb. Maraqlıdır ki, bu xəbərdarlıq Avropa İttifaqında satılan analoji məhsullarda yoxdur, çünki Aİ-də bisfenol A-nın müəyyən sahələrdə istifadəsi qadağan edilib.
2018-ci ildə "Belkin"in başqa bir "iPhone" aksesuarında aşırı isinmə və yanma təhlükəsi olduğu müəyyən edilmişdi. Bu cihazlar bazardan çıxarılmış, lakin analoji məhsulların satışı davam etdirilmişdi.
Qeyd edək ki, ABŞ-də təhlükəli maddələrin istifadəsi ilə bağlı qanunlar daha yumşaqdır. Kaliforniya ştatında istehsalçılardan istehlakçılara xəbərdarlıq tələbi olsa da, bu maddələrin satışına ümumi qadağa tətbiq edilmir. Avropa İttifaqı isə bisfenol A kimi maddələrin uşaqlar üçün nəzərdə tutulan qablaşdırma materiallarında istifadəsini qadağan edir və bu maddənin tamamilə qadağan edilməsi istiqamətində müzakirələr aparır.
Davud Hüseynli