"Apple" şirkəti "Meta" korporasiyasına məxsus "WhatsApp" messencerini və "Threads" xidmətini Çində "AppStore"dan silib.
İqtisadiyyat.az xəbər verir ki, bu barədə "9to5Mac" portalı məlumat yayıb .
Məlumata görə, hakimiyyət Çində proqramların "AppStore"dan silinməsini tələb edib. Buna səbəb ölkənin milli təhlükəsizliyi olub.
“Biz fəaliyyət göstərdiyimiz ölkələrin qanunlarına riayət etməyə borcluyuq, hətta onlarla razılaşmasaq belə”, - deyə "Apple" Çin hakimiyyətinin qərarını şərh edib.
Şirkət nümayəndələri qeyd ediblər ki, əgər Çinin tələblərinə əməl etməsəydilər, ölkədə "AppStore" bağlana bilərdi.
Gözəl Həşimova
