Nəhəng şirkətin Türkiyədə çalışan işçiləri şirkətin öz məhsullarının qiymətini artırmasına baxmayaraq, aşağı əmək haqqı və ağır iş siyasəti yürütdüyünü iddia edirlər.

İqtisadiyyat.az türk mediasına istinadən bildirir ki, dünyanın ən böyük texnologiya şirkəti olan "Apple" ölkədəki iqtisadi böhrandan sonra məhsullarının qiymətini qaldırıb. Belə ki,  son bir ayda şirkətin ən bahalı telefonunun qiyməti 76 499 TL-yə (5535.78 AZN) yüksəlib.  Buna baxmayaraq, işçilərin maaşında artım müşahidə olunmaması isə  etiraza səbəb olub. 

Şirkətin işçiləri bildirib ki, normalda 6 ayda bir dəfə maaş artırılsa da, ötən ilin noyabr ayından maaş artımı olmayıb. Şirkət Türkiyənin hazırkı iqtisadi vəziyyətinə görə hər üç aydan bir artım ehtimalını nəzərdən keçirəcəklərini bildirsə də, hələ də bir xəbər yoxdur. Hazırda əksər işçilərin maaşı 13000 TL (940.73 AZN) təşkil edir.