“Apple” mühəndisləri şəkillərin redaktə edilməsi üçün süni intellekt modelini yaradıblar.
İqtisadiyyat.az xəbər verir ki, bu barədə məlumat “arXiv” serverində dərc edilib.
Korporasiyanın mütəxəssisləri Kaliforniya Universitetinin alimləri ilə birlikdə model üzərində işləyiblər. “MGIE” (MLLM-Guided Image Editing) adlanan yeni model vasitəsilə istifadəçilər şəkilləri kəsə, ölçüsünü dəyişdirə, çevirə və şəkillərə filtrlər əlavə edə bilərlər.
Şirkət həmçinin qeyd edib ki, buraxılmış model sadə və daha mürəkkəb şəkillərin redaktəsi üçün istifadə edilə bilər.
“MGIE”ni “GitHub” vasitəsilə pulsuz yükləmək mümkündür.
