"Apple" şirkəti reklam yaratmaq üçün süni intellektdən (AI) istifadə edən xidmət üzərində işləməyə başlayıb.

Bu barədə İqtisadiyyat.az xarici mediaya istinadən xəbər verir.

Süni intellektə əsaslanan platforma reklamçılar üçün əlçatan olacaq. Məlumata görə, onlar bannerləri yerləşdirmək üçün yer seçmək məcburiyyətində qalmayacaqlar, ən yaxşı mövqe alqoritmlə müəyyən ediləcək. Reklamçılar yalnız hədəfləmə məlumatlarını, klik başına qiymət və digər məlumatları daxil etməli olacaqlar.

Analitiklərin hesablamalarına görə, "Apple" ötən il reklamdan 6 milyard dollar qazanıb, bu il isə gəlirin bir milyard dollar artacağı gözlənilir.