Ən böyük smartfon istehsalçılarının reytinqində “Apple” ikinci yerə enərək birinci yeri “Samsung”a verib.

İqtisadiyyat.az xəbər verir ki, bu barədə “IDC” tədqiqat şirkəti məlumat yayıb.

Nəşr yazır ki, bu ilin yanvar-mart aylarında “Apple” smartfonlarının tədarükü təxminən 10% azalıb. 2024-cü ilin birinci rübündə “Samsung” öz payını 20,8%-dək artırıb, “Apple” isə bazara smartfonların 17,3 faizini təqdim edib. “Xiaomi” tədarük həcminə görə 14,1% göstərici ilə üçüncü yeri tutub.

Qeyd edək ki, ötən il tədarüklərin 20,1 faizi “Apple”, 19,4 faizi “Samsung”un payına düşüb.