“Apple” şirkətinin iki əməkdaşı, qadınlara kişilərdən daha az maaş verilməsi səbəbindən Kaliforniyada məhkəməyə müraciət ediblər.

Bu barədə İqtisadiyyat.az "Bloomberg"ə istinadən xəbər verir.

İki əməkdaş 12 mindən çox qadın işçinin adından maaş ayrıseçkiliyinə görə şirkəti məhkəməyə veriblər. Bildirilib ki, şirkətdə kişilər və qadınlar arasında maaş bərabərsizliyi mövcuddur.

Məlumata görə, şirkətdə işçilərin sertifikatlaşdırılmasından sonra kişilər komanda işinə görə daha yüksək maaş alıblar. Belə ki, eyni işi görən qadın işçilər kişi həmkarlarından 10 min dollar az maaş alır.

İddiaçılar məhkəmədən şirkətin hərəkətlərinin qanunsuz hesab edilməsini və kompensasiyanın ödənilməsi ilə bağlı qərar çıxarılmasını tələb edirlər.

 

Gözəl Həşimova