İqtisadiyyat.az xəbər verir ki, bu barədə “Financial Times” mənbələrinə istinadla məlumat yayıb.

Nəşrin yazdığına görə, texnologiya nəhəngi 2026-cı ilin sonunadək ABŞ bazarı üçün nəzərdə tutulan bütün “iPhone” modellərinin Hindistanda istehsalını təmin etməyi planlaşdırır.

Mənbələr bildirirlər ki, bu addım ABŞ və Çin arasında davam edən ticarət gərginliyinin nəticəsi olaraq atılır. Vaşinqtonla Pekin arasındakı münasibətlərdəki gərginlik, eləcə də Çindən asılılığı azaltmaq istəyi “Apple”in istehsal strategiyasında ciddi dəyişikliklərə səbəb olub.