Texnologiya nəhəngi Apple tədricən istehsal mərkəzini Çindən uzaqlaşdırır və Hindistan onun yeni istehsal mərkəzi olmağa hazırlaşır. Hindistan Ticarət Naziri, Apple-ın Hindistanda daha çox məhsul istehsal etməyi planlaşdırdığını, bütün məhsullarının təxminən 25 faizini ölkədə istehsal etdiyini açıqlayıb. 

Giz China xəbərinə görə, iPhone və digər Apple məhsullarının istehsalından məsul olan Foxconn şirkəti bu keçidə hazırlıq çərçivəsində Hindistanın Çennay şəhərində işçi qüvvəsini artırır. 

Bu addım Çin və ABŞ arasında geosiyasi gərginliyin və koronavirus pandemiyası ətrafındakı qeyri-müəyyənliklərin təsirlərini minimuma endirmək üçün Apple-ın istehsal yerlərini şaxələndirmək strategiyasının bir hissəsi kimi həyata keçirilir.