Amerikanın “Apple” şirkəti ötən ili Avropa smartfon bazarında lider mövqedə başa vurub.
İqtisadiyyat.az xəbər verir ki, bu barədə “Canalys”in hesabatında deyilir.
Hesabatda “Apple”ın 2023-cü ilin dördüncü rübündə bazara 12,4 milyon cihaz tədarük etdiyi və 33 faiz payla seqment lideri olduğu qeyd edilib.
İkinci yerdə 10,8 milyon cihaz tədarük edən və 28 faizlik payla Cənubi Koreyanın “Samsung” şirkəti qərarlaşıb. İlk üçlükdə isə altı milyon cihaz tədarükü və 16 faizlik payla "Xiaomi" qərarlaşıb.
