"Apple" bu ilin ikinci rübü üçün balans hesabatını açıqlayıb.

İqtisadiyyat.az xəbər verir ki, bu dövrdə şirkətin gəliri 5% artaraq 85,8 milyard dollara çatıb.

"Apple" ötən ilin eyni dövründə təxminən 81,8 milyard dollar gəlir əldə edib.

Şirkətin xalis mənfəəti eyni dövrdə 7,9% artaraq 21,4 milyard dollara çatıb. Şirkət ötən ilin aprel-iyun dövründə 19,9 milyard dollar mənfəət əldə edib.

Şirkətin səhm üzrə mənfəəti bu müddət ərzində 1,26 dollardan 1,40 dollara yüksəlib.

 

Gözəl Həşimova