Bu il Antalyaya hava yolu ilə gələn turistlərin sayı 5 milyon 71 min 305-ə çatıb.
İqtisadiyyat.az xəbər verir ki, bu barədə Antalya valisi Ersin Yazıcı sosial media hesabında bildirib.
Şəhərin Aralıq dənizinin mirvarisi olduğunu bildirən Yazıcı qeyd edib: "Dünən etibarilə turizmin paytaxtı Antalyaya beynəlxalq xətlərdən gələn turistlərin sayı 5 milyon 71 min 305 olub".
Digər tərəfdən, iyunun 17-də 86 min 278 xarici sərnişinin gəlişi ilə bu ilin gündəlik rekordunu qıran Antalya, 24 iyunda hava yolu ilə 90 min 853 xarici qonağın gəlişi ilə rekordunu yeniləyib.
