Ankaranın Yenimahalle rayonunda avtomobil təkərləri və tullantıların yerləşdiyi "Hurda satıcıları sənaye sahəsi"ndə yanğın baş verib.

Bu barədə İqtisadiyyat.az Türkiyə mediasına istinadən xəbər verir.

Məlumata görə, küləyin təsiri ilə qısa müddətdə böyüyən yanğın nəticəsində səmada sıx tüstü təbəqəsi əmələ gəlib. Ərazidə dayanmış iki avtomobil də yanıb.

Əraziyə Ankara, Etimesqut və Sincan rayonlarından çoxlu yanğınsöndürmə briqadaları cəlb edilib.

Şəhərin bir çox yerindən görünən yanğına xilasetmə qrupları müdaxilə etməyə davam edir.