Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin işdən çıxarılan əməkdaşı məhkəməyə üz tutub.
İqtisadiyyat.az xəbər verir ki, qurumun keçmiş işçisi Aynur Hikmət qızı Kamallı ərizə ilə məhkəməyə müraciət edib.
O, müraciətində haqsız yerə işdən çıxarıldığını bildirib. Buna görə də işə bərpa olunması və işdən çıxarıldığı müddət üçün əmək haqqı tələbini irəli sürüb.
Lakin birinci instansiya məhkəməsinin qərarından narazı qalan iddiaçı apellyasiya şikayəti verib.
İş Bakı Apellyasiya Mıəhkəməsində hakim Məhəmməd Rüstəmlinin sədrliyi ilə araşdırılacaq.
Əgər hakim şikayəti təmin edərsə, Dövlət Agentliyi A.Kamallını işə bərpa etməyə və əmək haqqını da tam ödəməyə məcbur olacaq.
Qeyd edək ki, Dövlət Tibbi-Sosial Ekspertiza və Reabilitasiya Agentliyinin sədri Anar Bayramovdur. O, 2021-ci ildən bu vəzifədə çalışır.
