ABŞ-nin e-ticarət nəhəngi "Amazon"un bu ilin ilk rübündə satışları keçən ilin eyni dövrü ilə müqayisədə 13% artaraq 143,3 milyard dollara çatıb.
İqtisadiyyat.az xəbər verir ki, bu barədə şirkətin yanvar-mart dövrü üçün balans hesabatında deyilir.
Məlumata görə, 2023-cü ilin birinci rübündə şirkətin xalis satışları 127,4 milyard dollar olub. Şirkətin reklam bölməsinin gəlirləri bu ilin birinci rübündə 24% artaraq 11,8 milyard dollara çatıb.
Hesabat dövründə "Amazon"un xalis mənfəəti təxminən 229% artaraq 10,4 milyard dollara çatıb. Şirkət ötən ilin eyni dövründə təxminən 3,2 milyard dollar mənfəət açıqlayıb.
Elektron ticarət nəhənginin səhm başına xalis mənfəəti bu ilin ilk rübündə 98 sent olaraq hesablanıb. Şirkət ötən ilin eyni dövründə hər səhmə görə 31 sent mənfəət əldə edib.
"Amazon" bu ilin ikinci rübündə 144-149 milyard dollar arasında gəlir gözlədiyini açıqlayıb.
Gözəl Həşimova
