Amerikanın "Amazon.com" şirkəti növbəti beş il ərzində Böyük Britaniyaya 8 milyard funt sterlinq (10,5 milyard dollar) sərmayə qoymağı planlaşdırır.
İqtisadiyyat.az xəbər verir ki, bu barədə şirkət məlumat açıqlayıb.
Bildirilib ki, şirkətin "Amazon Web Services" bölməsi bu vəsaitləri bulud infrastrukturuna və süni intellekt sahəsində inkişafa yatıracaq.
Böyük Britaniyanın maliyyə naziri bunun ölkədə 14 minə yaxın iş yeri yaradacağını bildirib.
Qeyd edək ki, bu ilin əvvəlindən "Amazon"un kapitallaşması 18,2% artaraq 1,88 trilyon dollara çatıb.
Gözəl Həşimova