Xətai rayonu 8 noyabr prospektində yerləşən Amay ticarət mərkəzinin yarımçıq tikilələri təhlükə mənbəyinə çevrilib.
İqtisadiyyat.az xəbər verir ki, bu barədə urbanist bloqer İlkin Babayev facebook hesabında yazıb.

"Bu bina "AMAY" ticarət mərkəzidir. Binanın birinci mərtəbəsində dövlət əhəmiyyətli ASAN xidmət və ölkənin ən böyük banklarından biri ABB-in filialı yerləşir. Amma bu bina bildiyiniz potensial ölüm mənbəyidir. Bina günü-gündən, baxımsızlıqdan sözün əsl mənasında dağılır. Bu gün gözümüzün önündə, şəkildə işarələn yerdən daş düşərək, altdan keçən adamın çiynini və bir maşını əzdi. Həmin şəxsi ölümdən bir neçə saniyə ayırdı." deyə İlkin Babayev paylaşımında qeyd edib.


İlkin Babayev şəhər rəhbərliyini vaxtında tədbir görməyə çağırıb.