Bu ilin birinci yarısında Naxçıvan Muxtar Respublikasına dövlət büdcəsindən ümumilikdə 150,1 milyon manat dotasiya ayrılıb.

Bu barədə İqtisadiyyat.az-a Hesablama Palatasından bildirilib.

Məlumata görə, bu əvvəlki ilin müvafiq dövrü ilə müqayisədə 14,9 milyon manat və ya 9% azdır.

Hesabat dövründə Muxtar Respublika büdcəsinin gəlirlərinin proqnozla müqayisədə icra səviyyəsi aylar üzrə 117%-145,7% arasında dəyişib, yüksək vergi daxilolmaları dövlət büdcəsindən ayrılan dotasiyaya qənaətlə nəticələnib.

Qeyd edək ki, 2024-cü il üzrə dövlət büdcəsindən Naxçıvan MR-a 336,5 milyon manat dotasiya ayrılması nəzərdə tutulub.