2023-cü ilin birinci yarısında “Alphabet Corporation”ın xalis mənfəəti 33,419 milyard dollar təşkil edib ki, bu da ötən ilin eyni dövrü ilə müqayisədə 3% çoxdur.
Bu barədə İqtisadiyyat.az dünya mediasına istinadən xəbər verir.
Hesabat dövründə Alpahbet-in gəliri illik müqayisədə 5% artaraq 144,391 milyard dollara çatıb. İkinci rübdə şirkətin gəliri illik müqayisədə 14,8% artaraq 18,368 milyard dollar olub. Şirkətin hər bir səhm üzrə azaldılmış mənfəəti 2,44 dollardan sonra 2,61 dollara qalxıb. ABŞ-da ticarətin bağlanmasından sonra Alphabet səhmləri 5,2% bahalaşıb.
Qeyd edək ki, 2022-ci il üçün Alphabet-in xalis mənfəəti 21% azalaraq 60 milyard dollara düşüb. İllik gəliri 10% artaraq 282,6 milyard dollar təşkil edib. Mənfəətin azalması və gəlir artımının ləngiməsi fonunda Alphabet yanvar ayında 6 əməkdaşını işdən çıxaracağını açıqlamışdı.
