İqtisadiyyat.az xəbər verir ki, bu barədə Almaniyanın İqtisadiyyat və İqlim Mühafizəsi Nazirliyi bu il üçün silah və hərbi texnika satışının təsdiqi ilə bağlı ilkin hesabatını dərc edib.
Beləliklə, il tamamlanmasa da, Almaniyanın 2024-cü ildə silah və hərbi texnika satışı rekordu qırıb. Almaniya ötən il 12,13 milyard avro dəyərində silah ixrac edib.
Nazirliyin hesabatına görə, ötən il ən çox hərbi texnika satışının həyata keçirildiyi ölkə Rusiya ilə müharibə vəziyyətində olan Ukrayna olub. Berlin Kiyevə 8,1 milyard avro dəyərində silah və texnika satışını təsdiqləyib.
Ukraynanı 1 milyard 217 milyon avro ilə Sinqapur, 558 milyon avro ilə Əlcəzair, 298 milyon avro ilə ABŞ, 230 milyon avro ilə Türkiyə və 224 milyon avro ilə Hindistan izləyib.
Almaniya hökuməti 2023-cü ildə isə İsrailə 327 milyon avroluq silah və hərbi texnika satışını təsdiqləyib. Ötən il ölkənin İsrailə silah və hərbi texnika satışı 2022-ci illə müqayisədə 10 dəfə artıb.
Gözəl Həşimova
