Almaniyanın ən böyük bankı – “Deutsche Bank” 2022-ci il üçün Rusiya borcalanlarla əlaqəli kreditlərin həcmini 42 faiz azaldaraq, 806 milyon avroya endirib.
Eyni zamanda, ilin dördüncü rübünün sonunda Rusiya portfeli üçüncü ilin sonuna nisbətən 19 faiz az olub.
Bankın Rusiyadakı xalis kredit portfeli il ərzində 36 faiz azalaraq, 379 milyon avroya düşüb. Üçüncü rüblə müqayisədə azalma 24 faiz təşkil edib. “Deutsche Bank” ölkədə mövcudluğunu daha da azaltmağa hazırlaşdıqlarını vurğulayıb.
Qeyd edək ki, bank martda Rusiyadakı biznesini məhdudlaşdırmaq qərarını açıqlamışdı.