Buna baxmayaraq, Almaniyanın Trampın tənqid etdiyi ABŞ ilə ticarəti rekord həddə çatıb.
İqtisadiyyat.az xəbər verir ki, bu barədə Almaniya Federal Statistika İdarəsinin (Destatis) məlumatlarında deyilir.
ABŞ, keçən ilin yanvar-noyabr dövründə 65,4 milyard avroluq rekord göstərici ilə Almaniyanın ən çox xarici ticarət profisiti verdiyi ölkə olmağa davam edib.
Hesabat dövründə Almaniyadan ABŞ-yə ixrac 2% artaraq 149,89 milyard avro təşkil edib ki, bu da dəyər ifadəsində Almaniyanın ixracatının 10,4 faizini təşkil edib. Bu rəqəm son 20 ilin ən yüksək göstəricisi kimi qeydə alınıb. ABŞ-nin 10 il dalbadal Almaniya məhsullarının ən mühüm alıcısı olması diqqət çəkir.
ABŞ 2023-cü ildə də rekord həcimdə - 63,3 milyard avro ilə Almaniyanın ən böyük xarici ticarət profisiti əldə etdiyi ölkə olub. ABŞ bazarı əczaçılıq sənayesi kimi bəzi sektorlar üçün vacib olsa da, 2023-cü ildə Almaniyanın bütün dərman ixracatının 23,2 faizi ABŞ-yə edilib.
Almaniya 2024-cü ildə ABŞ-dən 84,5 milyard avro dəyərində mal idxal edib ki, bu da ölkənin ümumi idxalının 6,94 faizinə bərabərdir. İdxalda 2023-cü illə müqayisədə 12,3 faiz azalma müşahidə olunub.
Gözəl Həşimova
