İqtisadiyyat.az xəbər verir ki, bu barədə ölkənin Federal Statistika İdarəsi (Destatis) xarici vətəndaşların Almaniya vətəndaşlığını alması ilə bağlı məlumatlarını açıqlayıb.

Müvafiq olaraq, ölkədə vətəndaşlığa alınanların sayı ötən il 91 860 nəfər artaraq 291 955 nəfərə çatıb. Qeyd edilib ki, 2000-ci ildə statistika aparılmağa başlayandan bəri heç vaxt bu qədər çox vətəndaşlıq verilməyib.

Məlumata görə, ötən il Almaniyada vətəndaşlığa qəbul edilənlər arasında suriyalılar 83 min 150 nəfərlə birinci, türklər isə 22 min 525 nəfərlə ikinci olub. Türkləri 13545 nəfərlə iraqlılar, 12980 nəfərlə ruslar və 10085 nəfərlə əfqanlar izləyib.

 

Gözəl Azadəliyeva