Almaniyada iqtisadi tənəzzül və yüksək kredit faizləri səbəbindən bu ilin ilk yarısında müflisləşən şirkətlərin sayı ötən ilin eyni dövrü ilə müqayisədə 24,9% artaraq 10 min 702-yə çatıb.
İqtisadiyyat.az xəbər verir ki, bu barədə Almaniya Federal Statistika İdarəsi (Destatis) məlumat yayıb.
Sözügedən dövrdə ölkədə hər 10 min şirkətdən 31,2%-i iflas elan edib. Ən çox iflas nəqliyyat sektorunda qeydə alınıb. İkinci ən çox iflas tikinti sektorunda müşahidə edilib.
Məlumata görə, avqust ayında iflas müraciətləri 10,7 faiz artıb.
Digər tərəfdən, Almaniya iqtisadiyyatı artan faiz dərəcələri və struktur dəyişiklikləri fonunda böyüməkdə çətinlik çəkir. İnvestisiyaların azalması səbəbindən iqtisadiyyat bu ilin ikinci rübündə 0,1 faiz kiçilib.
Qeyd edək ki, Almaniya iqtisadiyyatı üçüncü rübdə də kiçilsə, texniki tənəzzülə girəcək.
Gözəl Həşimova
