Almaniyada yaşayan qaçqınların sayı 1950-ci illərdən bəri rekord həddə - 3,5 milyon nəfərə çatıb.

İqtisadiyyat.az xəbər verir ki, bu barədə “Neue Osnabrcker Zeitung” qəzeti Almaniya hökumətinin Bundestaqdakı Sol partiya qrupunun sorğusuna istinadən yazır.

Məlumata görə, 2024-cü ilin birinci yarısının sonunda Almaniyada 3,48 milyona yaxın qaçqın yaşayıb. Bu, 2023-cü ilin sonu ilə müqayisədə təxminən 60,000 və 1950-ci illərdən bəriən yüksək göstəricidir. Bildirilir ki, 3,48 milyon qaçqından təxminən 1,8 milyonu Ukraynadan olan qaçqınlardır. Onların sayı 2023-cü ilin sonu ilə müqayisədə təxminən 45 min nəfər artıb.

Eyni zamanda nəşr qeyd edir ki, Almaniyada deportasiyalar nəticəsində ölkəni tərk etməyə məcbur olanların sayı azalmaqda davam edir. 2024-cü ilin ortalarında 226 882 nəfər məcburi olaraq ölkədən çıxarılması üçün qeydiyyata alınıb. Bu, 2023-cü ilin sonu ilə müqayisədə 15 760 nəfər azdır.

Xatırladaq ki, sentyabrın 9-da Almaniyanın daxili işlər naziri Nensi Feser qeyri-leqal miqrasiyanın azaldılması üçün bütün quru sərhədlərində müvəqqəti nəzarətin tətbiqi barədə göstəriş verib. O, bunu ölkənin miqrantların qəbulunun öhdəsindən gələ bilməməsi ilə əsaslandırıb.

Sadiq Cavadov