Almaniya iqtisadiyyatı yay aylarında kiçilməyə davam edib.

İqtisadiyyat.az xəbər verir ki, bu barədə Almaniya Mərkəzi Bankı (Bundesbank) məlumat yayıb.

Bank ölkədə iqtisadi artımın son rübdə zəif olacağını proqnozlaşdırır. Hesabatda Almaniya iqtisadiyyatının hələ də 2022-ci ilin ortalarından bəri davam edən zəif fazada ilişib qaldığı vurğulanıb.

Məlumata görə, Almaniyada illik inflyasiyanın sentyabr ayında 1,8 faizə düşməsinə baxmayaraq, ilin sonuna qədər yenidən yüksəlməsi ehtimalı var.

Qeyd edilib ki, Almaniya iqtisadiyyatı artan faiz dərəcələri, dövri risklər və struktur dəyişiklikləri kimi səbəblərə görə böyümədə çətinliklər yaşayır. İnvestisiyaların azalması səbəbindən iqtisadiyyat ilin ikinci rübündə 0,1 faiz kiçilib. Eyni zamanda, Almaniya iqtisadiyyatı yenidən tənəzzülə uğramaq riski altındadır.

 

Gözəl Həşimova