Almaniyada hər 7 uşaqdan 1-nin yoxsulluq riski altında olduğu bildirilir.

İqtisadiyyat.az xəbər verir ki, bu barədə Almaniya Federal Statistika İdarəsi (Destatis) ölkədə “2023-cü ilin gəlirləri və yaşayış şəraiti” ilə bağlı sorğunun nəticələrini dərc edib.

Məlumata görə, Avropanın ən böyük iqtisadiyyatı olan Almaniyada uşaq və gənclərin yoxsulluğu həll olunmamış problem olaraq qalmaqda davam edir. Bildirilib ki, 2023-cü ildə ölkədə 18 yaşa qədər hər 7 uşaqdan biri (təxminən 2,1 milyon uşaq) yoxsulluq riski altında olub.

Almaniyanın ümumi əhalisində yoxsulluq riski 14,4% olduğu halda, ölkədəki azyaşlılar arasında bu nisbət 14%-dir.

Qurum ölkədə uşaq və gənclərin yoxsulluq riski altında olmasının onların valideynlərinin təhsil səviyyəsindən də asılı olduğunu bildirib.

 

Gözəl Həşimova