Almaniya tezliklə Ukraynaya Bundesver ehtiyatlarından daha bir Patriot hava hücumundan müdafiə sistemi göndərəcək. 

İqtisadiyyat.az xəbər verir ki, bu barədə Almaniya Müdafiə Nazirliyi məlumat yayıb.

İndiyədək Kiyev hakimiyyəti Almaniyadan iki Patriot sistemi alıb.

Müdafiə naziri Boris Pistoriusun bəyanatında deyilir: "Biz öz döyüş hazırlığımızı nəzərə alaraq, Ukraynaya imkanımız daxilində dəstək veririk". 

Qeyd edək ki, Almaniya Ukraynaya ABŞ-dən sonra ikinci ən böyük silah tədarükçüsüdür. Ümumilikdə Almaniya Kiyevə hərbi dəstək üçün vəsait ayırıb və ya gələcək xərclər üçün təqribən 28 milyard avro məbləğində öhdəlik götürüb.