Saksoniyada ştat seçkilərinə bir neçə həftə qalmış naməlum şəxslər Almaniya kansleri Olaf Şolsun SPD partiyasının Drezdendəki qərargahına atəş açıblar.
İqtisadiyyat.az xəbər verir ki, bu barədə Bild yazır.
Qeyd edilib ki, polis iyunun sonunda binada üçüncü mərtəbənin pəncərələrində güllə dəlikləri tapsa da, hadisənin üstü yalnız indi açılıb.
İstintaqın nəticələrinə görə, bina odlu silahla atəşə tutulmuş ola bilər. Lakin faktiki dəlillər hələ də tapılmayıb. Hüquq-mühafizə orqanlarının məlumatına görə, şüşədəki dəliklər təxminən beş millimetr diametrə uyğundur.
Hadisə ilə bağlı araşdırmanı Almaniyanın Dövlət Təhlükəsizlik Xidməti aparıb.
