İqtisadiyyat.az xəbər verir ki, bu barədə "RİA Novosti" məlumat yayıb.

Merts qeyd edib ki, ABŞ Prezidenti Donald Trampın 30 günlük atəşkəslə bağlı təşəbbüsünü tam dəstəkləyir və bu mövqeyi Fransa, Böyük Britaniya və Polşa hökumətləri də bölüşür.

Bundan əvvəl Finlandiya Prezidenti Aleksandr Stubb bildirmişdi ki, Ukraynanı dəstəkləyən ölkələrdən ibarət koalisiya yaxın günlərdə müvəqqəti atəşkəslə bağlı razılaşmanın mümkün olduğunu bəyan edib.

Qeyd edək ki, Rusiya Prezidenti Vladimir Putinin Böyük Vətən Müharibəsində Qələbənin 80 illiyi ilə əlaqədar üç günlük humanitar atəşkəs təşəbbüsü 8 may cümə axşamı qüvvəyə minib. Atəşkəs 7-dən 8 may gecəsi saat 00:00-dan başlayaraq 10-dan 11 may gecəsinə qədər davam edəcək.

Putinin qərarına əsasən, bu müddət ərzində bütün döyüş əməliyyatları dayandırılır. Ukrayna tərəfinin də bu nümunəyə əməl edəcəyi gözlənilir. Lakin atəşkəsin pozulacağı təqdirdə “uyğun və təsirli cavab” veriləcəyi qeyd olunub.