İqtisadiyyat.az xəbər verir ki, L'Aquila'daki apellyasiya məhkəməsi bununla bağlı qərar verib.

Məhkəmə Almaniyanın, qətliamda yaxınlarını itirən daha 30 nəfərə 4 milyon avro təzminat ödəməsinə qərar verib. Əvvəlki qərarda açıqlanan təzminatla ödəniləcək ümumi məbləğ 15 milyon avroya çatacaq.

Qeyd edilib ki, 1943-cü il noyabrın 21-də faşistlər Pietransieridəki Limmari meşəsində İtaliya müqavimətini dəstəklədiyi şübhəsi ilə yerli əhaliyə qarşı qətliam törədiblər.

Qətliamda 128 silahsız mülki vətəndaş həyatını itirib. Ölənlərdən 60-nın qadın, 34-nün 10 yaşa qədər uşaq olduğu bildirilib.

 

Gözəl Həşimova