İqtisadiyyat.az xəbər verir ki, bu barədə adıçəkilən ölkələrin birgə bəyanatı Almaniyanın Xarici İşlər Nazirliyinin saytına yerləşdirilib.

"Almaniya, Fransa və Böyük Britaniya İranın nüvə proqramını daha da genişləndirərək 60%-dək zənginləşdirilmiş uranın yeraltı Fordo obyektində istehsalını əhəmiyyətli dərəcədə artırmasına dair siyasətini qınayırıq", – deyə bəyanatda qeyd olunur.

Avropa ölkələri İranı nüvə gərginliyini dərhal dayandırmağa çağırıblar.

6 dekabrda Beynəlxalq Atom Enerjisi Agentliyinin (MAQATE) baş direktoru Rafael Qrossi bildirib ki, İran 60%-dək zənginləşdirilmiş uranın istehsalını və yığılmasını sürətlə artırmağa başlayıb. Onun sözlərinə görə, əgər əvvəllər İran ayda 5-7 kq zənginləşdirilmiş uran istehsal edirdisə, indi bu göstərici 7-8 dəfə və daha çox arta bilər.