Çin onlayn pərakəndə satış şirkəti “Alibaba”nın xalis mənfəəti 2023-cü maliyyə ilinin son rübündən 86% azalaraq 3,3 milyard yuan (453 milyon dollar) təşkil edib.

İqtisadiyyat.az xəbər verir ki, bu barədə şirkətin hesabatında deyilir.

Məlumata görə, şirkətin ümumi rüblük gəliri cəmi 7% artaraq 221,8 milyard yuana (30,7 milyard dollar) çatıb.

Şirkət nəticələrini bəzi ictimai şirkətlərə yatırılan investisiyalardan itkilərlə və biznesinin davam edən transformasiyası ilə əlaqələndirərək, artıq ilk müsbət nəticələrini gördüyünü qeyd edib.