Ekologiya və Təbii Sərvətlər Nazirliyi (ETSN) "Al Market" MMC-nin fəaliyyətində nöqsanlar aşkarlayıb.

İqtisadiyyat.az xəbər verir ki, aşkarlanan nöqsanlar aktlaşdırılıb və MMC barəsində İnzibati Xətalar Məcəlləsinin 271-ci maddəsinə əsasən cərimə protokolu tərtib olunub.

Daha sonra protokol baxılması üçün Qaradağ Rayon Məhkəməsinə göndərilib və iş hakim Teymur Qurbanovun sədrliyi ilə araşdırılacaq.

Protokol tərtib olunan maddədə isə sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl etməməyə görə cərimə müəyyənləşib.

Həmin maddəyə əsasən, qanunvericiliyin bu tələbini pozan hüquqi şəxslər altı min beş yüz manatdan səkkiz min manatadək məbləğdə cərimə edilir.