Çox güman ki, Avropa Komissiyasının (AK) növbəti iclası zamanı yeni ölkələr, ən azından 2029-cu ilin sonuna qədər Aİ-yə qəbul edilməyəcək. 

İqtisadiyyat.az xəbər verir ki, bu bəyanatla Lüksemburqda Ukrayna və Moldovanın Avropa İttifaqına (Aİ) qəbulu ilə bağlı danışıqlara başlayandan sonra birliyin genişlənmə və qonşuluq siyasəti üzrə Avropa komissarı Oliver Varhelyi çıxış edib.

Daha əvvəl Lüksemburqda çıxış edən Ukrayna baş nazirinin müavini Olqa Stefanişina Ukraynanın 2030-cu ilə qədər Aİ-yə üzv olacağına söz verib: "Bizim iş planı hazırladığımız Avropa Komissiyasının növbəti tərkibi Avropa Genişlənmə Komissiyasına çevrilməlidir, çünki o, 2029-cu ilin oktyabrında mandatını tamamlayacaq". 

Qeyd edək ki, keçən il Avropa Şurasının rəhbəri Şarl Mişel Ukraynanın 2030-cu ilə qədər ittifaqa üzv qəbul edilməsi ideyasını səsləndirib, lakin Aİ ölkələrinin böyük əksəriyyəti bunu dəstəkləməyib.