İqtisadiyyat.az xəbər verir ki, mayın 31-də Heydər Əliyev Beynəlxalq Aeroportunda təntənəli qarşılanma mərasimi baş tutub.

İlk reysin sərnişinlərini Qazaxıstanın Azərbaycandakı səfiri Alim Bayel, aviaşirkətin nümayəndələri və hava limanının rəhbərliyi qarşılayıblar.

Səfir bildirib ki, ölkələr arasında hava əlaqələrinin genişlənməsi tərəflər arasında münasibətlərin dinamik inkişafını əks etdirir.

Yeni Atırau-Bakı reysi həftədə üç dəfə – bazar ertəsi, çərşənbə və şənbə günləri yerinə yetiriləcək. Uçuş təxminən 1 saat 30 dəqiqə davam edəcək.