Azərbaycan İnvestisiya Holdinqinin (AİH) fəaliyyəti haqqında məlumatlılıq səviyyəsinin ölçülməsi məqsədilə ictimai sorğu keçiriləcək.

İqtisadiyyat.az xəbər verir ki, sorğunu Sosial Tədqiqatlar Mərkəzi aparacaq.

Sorğu onlayn qaydada ən azı 600 nəfər respondent arasında (ölkədə və dünyada baş verən siyasi, iqtisadi və sosial proseslərə maraq nümayiş etdirən 20-63 yaş kateqoriyasına aid şəxslər arasında aparılacaq. Sorğu respondentlərinin anonimliyi qorunacaq.

Məqsəd isə aşağıdakılardır:

1) AİH-in fəaliyyətinə dair ictimai məlumatlılıq səviyyəsini ölçmək,

2) AİH-in fəaliyyəti ilə bağlı əsas məlumat mənbələrini müəyyən etmək,

3) AİH-in fəaliyyəti ilə bağlı məlumatları əldə etmək üçün üstünlük verilən kommunikasiya vasitələrini müəyyən etmək.