"ABŞ-ın Suriya və İraqa zərbələrindən sonra Avropa İttifaqı Yaxın Şərqdəki vəziyyəti kritik qiymətləndirir".
İqtisadiyyat.az azvision.az-a istinadən xəbər verir ki, bunu Aİ xarici siyasət xidmətinin rəhbəri Cosep Borrel Aİ xarici işlər nazirliklərinin rəhbərlərinin qeyri-rəsmi görüşünə gələrkən deyib. O qeyd edib ki, Aİ Yaxın Şərqdə vəziyyətin nəzarətdən çıxacağından ehtiyat edir və gərginliyi azaltmağa çağırır:
“Biz həmişə təkrar edirik ki, Yaxın Şərq hər an partlaya biləcək bir qazandır. Biz hamını gərginliyi azaltmağa çağırırıq, kritik bir vəziyyət yaşayırıq”.
Öz növbəsində, Aİ-yə sədrlik edən Belçikanın xarici işlər naziri Aja Labib də deyib ki, münaqişənin bütün regiona yayılmasının qarşısını almaq üçün mümkün olan hər şey edilməlidir.
