“Bu günə qədər Aİ və üzv dövlətlərdən Ukraynaya və onun xalqına edilən bütün yardımlar 118 milyard avroya çatıb”.
İqtisadiyyat.az xarici mediaya istinadən xəbər verir ki, bu barədə Avropa Komissiyasının (AK) vitse-prezidenti Valdis Dombrovskis məlumat verib.
“Xüsusilə bu məbləğə 25,2 milyard avro makromaliyyə yardımı, 17 milyard avro Aİ ölkələrinə qaçqınlara yardım, 14 milyard avro Ukrayna mexanizmi vasitəsilə toplanmış vəsait, 12 milyard avro isə Aİ ölkələrindən kreditlər, subsidiyalar və zəmanətlər daxildir.
Söhbət həm də 43,5 milyard avro hərbi yardımdan gedir ki, bunun da 6,1 milyardı Avropa Sülh Fondundandır. Dombrovskis qeyd edib ki, 60 min ukraynalı hərbçi artıq Aİ ərazisində təlim keçib və hazırkı məqsəd qışın sonuna kimi daha 15 min hərbçinin hazırlanmasıdır”, - o deyib.
V. Dombrovskis həmçinin bildirib ki, Aİ Kiyevə 1 milyon mərmi çatdırmaq məqsədinin 70%-nə nail olub.
O xatırladıb ki, Avropa İttifaqı Rusiyanın dondurulmuş aktivlərindən əldə olunan gəlirdən 1,4 milyard avronu Ukraynaya silah tədarükü üçün ayırıb.
Sadiq Cavadov
