Avropa İttifaqı (Aİ) Suriyaya qarşı sanksiyaların müddətini 1 il - 2025-ci il iyunun 1-dək uzadıb.

İqtisadiyyat.az xəbər verir ki, bu barədə Aİ Şurasının mətbuat xidməti məlumat yayıb.

 Məlumata görə, yoxlamanın nəticələrinə əsasən şura beş ölən şəxsin və daha bir nəfərin qara siyahıdan çıxarılmasına qərar verib.

“Şura bu gün Suriyada pisləşən vəziyyətin ağırlığını nəzərə alaraq, Aİ-nin Suriya rejimi və onun tərəfdarlarına qarşı məhdudlaşdırıcı tədbirlərini 1 iyun 2025-ci ilə qədər uzadıb”, - məlumatda deyilir.

Qeyd edək ki, Avropa İttifaqı 2011-ci ildə Suriyaya qarşı sanksiyalar tətbiq etməyə başlayıb. O vaxtdan bəri məhdudlaşdırıcı tədbirlər hər il uzadılır.

 

Gözəl Həşimova