İqtisadiyyat.az xəbər verir ki, bu barədə Almaniyanın xarici işlər naziri Yohann Vadeful Berlində Hindistanın xarici işlər naziri Subramanyam Cayşankar ilə birgə mətbuat konfransında bildirib.

Vadeful qeyd edib ki, Aİ Rusiya neftinin qiymətini aşağı salınmasını nəzərdən keçirir. Məqsəd – Rusiya hərbi büdcəsinin maliyyələşməsini azaltmaqdır.

“Bizim məqsədimiz tam aydındır – Rusiya hərbi büdcəsini doldurmağa davam etmək istəmirik”, – deyə nazir vurğulayıb.

Avropa Komissiyasının rəhbəri Ursula fon der Lyayen daha əvvəl Rusiyaya qarşı 18-ci sanksiyalar paketinin hazırlanmasını təsdiqləmişdi. Bu paket “kölgə donanması”na qarşı tədbirləri və neftin qiymət limitinin sərtləşdirilməsini nəzərdə tutur.