Avropa İttifaqının (Aİ) Ədalət Məhkəməsi qaçqınların hüquqlarını pozduğu iddiası ilə Macarıstanı 200 milyon avro cərimələyib.
İqtisadiyyat.az xəbər verir ki, bu barədə idarənin mətbuat xidməti məlumat yayıb.
“Bu, Avropa hüququnun görünməmiş və çox ciddi hüquq pozulmasıdır. Aİ Ədalət Məhkəməsi Macarıstanı 200 milyon avro cərimə və gecikdirilən hər gün üçün gündə bir milyon avro cərimə cəzasına məhkum edir”, - bəyanatda deyilir.
Məhkəmə həmçinin Budapeşti icma ölkələri arasında həmrəyliyə xələl gətirməkdə və Avropa hüquq standartlarına məhəl qoymamaqda ittiham edib. Onların fikrincə, Macarıstan Avropa İttifaqının birliyini pozur, çünki qaçqınların hüquqi statusları dəqiqləşdirilənə qədər ölkədə qalmasına icazə vermir.
