Avropa İttifaqı (Aİ) ölkələri Macarıstanın Baş naziri Viktor Orbanın Rusiya və Çinə səfərlərindən sonra Macarıstanın Aİ Şurasına altı aylıq sədrliyini ləğv etməyi düşünür.
İqtisadiyyat.az xəbər verir ki, bu barədə "EUobserver" portalı avropalı diplomatlara istinadən məlumat yayıb.
Məlumata görə, Aİ-nin səfirləri iyulun 10-da Aİ-dəki Daimi Nümayəndələr Komitəsinin iclasında Orbanın Moskva və Pekinə səfərini müzakirə edəcəklər.
Portal yazır ki, onun yalnız Budapeşt adından çıxış etdiyi barədə bəyanatlara baxmayaraq, Avropa İttifaqı Orbanın səfərləri zamanı Aİ Şurasına Macarıstanın sədrliyinin loqotipindən istifadə etməsindən narazı qalıb.
